Wortuhr Interässe mälde
Entwicklet und zämebout i dr Schwiz · chlini Serie

D Zit, so wie du se seisch.

E Wortuhr mit ere Front us Metall, wo jede Buechstabe usegschnitte isch. Dehinder lüchte 110 LED und zeige d Zit i Wörter, i dim Dialäkt.

Interässe mälde Was alles goht
250 × 250 mm 11 × 10 Buechstabe 110 LED WLAN 2,4 GHz USB-C
LED-Farb
Front
Alu eloxiert schwarz
Bispiel-Front. Dini Front chunnt i dim Dialäkt.
Visualisierig vo ere Wortuhr uf eme Sideboard am Obe
Visualisierig. Fotos vo dr echte Uhr folge.
Bi dir dehei

So chönnt si bi dir usgseh.

Am Tag e ruhigi Flächi us Metall. Am Obe lüchte nume d Wörter, wo grad zelle.

Dini Front

Dini Wörter. Dis Material.

Jedi Front wird bi öis zuegschnitte. Drum chöi mir se ou so mache, wie du se wotsch.

Dialäkt

Redt wie du

Solothurnerdütsch, Bärndütsch, Baseldütsch oder öppis ganz anders: Mir passe d Wörter a di Dialäkt a. Sogar d Füllbuechstabe chöi öppis bedüte, zum Bispiel dini Initiale.

Sprüch

Meh als nume Zit

D Uhr cha ou Sprüch zeige, zum Bispiel ES ESCH BIER ZYT am Fritig zum Fürobe. Du bestimmsch, wenn und wie hüfig.

Material & Schrift

Spezialwönsch willkomme

Alu eloxiert i Schwarz oder Rosa, Blattgold, Rost oder Karbon, derzue verschideni Schrifte. Hesch e spezielle Wunsch oder es bsundrigs Material im Chopf? Mir luege gärn, was möglich isch.

Uswächselbar

E nöii Front i Sekunde

D Front hebt mit Magnete. Wotsch e nöie Dialäkt, en anderi Farb oder es Gschänk-Motiv, wächslisch eifach d Front. Uf dr Rücksite vo jeder Front isch e QR-Code: einisch mit em Handy scanne, und d Uhr weiss, was druf stoht.

WLAN & Istellige

Istelle übers Handy.

Kei App, kes Konto. D Uhr bringt ihri eigeti Website mit.

  1. Zit

    Goht immer richtig

    Im WLAN holt sech d Uhr d Zit sälber, Sommer- und Winterzit inklusiv. Ohni WLAN louft si mit ihrer eigete, batteriegstützte Uhr witer.

  2. Liecht

    Farb und Häligkeit nach dim Gusto

    LED-Farb, Wortfarbe und Übergäng stellsch im Browser i. Am Obe wird d Uhr vo sälber dönkler, i dr Nacht cha si ganz still si.

  3. Updates

    Lehrt nöii Sache

    Nöii Funktione chöme übers WLAN uf dini Uhr. So profitiersch ou spöter no vo däm, wo mir witerentwickle.

Mitenand witerentwicklet

Dini Uhr wachst mit. Dini Idee ou.

Mir boue d Wortuhre i chline Serie und lose genau zue, was ihr öis zrüggmäldet. Nöii Funktione bechunnt dini Uhr per Update. Und guete Idee für Fronte und Sprüch setze mir gärn um, ou für Uhre, wo scho a dr Wand hange.

Unverbindlech

Interässe? Mäld di.

Mir mälde öis bi dir, sobald di nächschti Serie parat isch, und bespräche dini Wönsch persönlech.

Wo chunnt si hi?
Front (meh möglich)
Was wär dir e Wortuhr wärt? (fakultativ)